'Yank Sing' Dim Sum, YBCA Museum and Colombian Farewell - 76. Daag

Haut sin mer no der Schoul an den Financial District getreppelt wou mer mam Iris, Christine an Tom an den Restaurant Yank Sing Dim Sum (eng Sorte chinesesch Tapas) iessen gang sin.
Mir hun eis total iwwerfries well alles sou lecker war an hun henno décidéiert einfach net ze vill lang iwwer d'Rechnung nozedenken...
Dono sin mer zréck Richtung Yerba Buena Garden getreppelt, an sin dunn, well den Wand nawell zimmlech äiseg war, an den Yerba Buena Center of Arts geflüchtet, wou mer eis déi temporär Ausstellung iwwer mexikanesch Graffitti an Strossenkenschtler ugekuckt hun.
Dono hun mer eis na schnell en Starbucks Café eragehäit fir e bessen opzetauen.
Owes war et dunn un der Zäit eis 2 kolumbianesch Frendinnen ze verabschieden, déi muer weider op Chicago fléien.
Mir hun dunn fir d'eicht eppes an der Cosmo Bar gedronk an sin dunn iergendwann weider mam Gustavo an den Swig an dono na an den Rye gang, wou mer den Owend mat engem Poolspill ausklengen geloss hun...