Fisherman´s Wharf and Halloween! - 2. Daag

Also haut hun mer dun mol geduecht mir missten jo awer mol mat sou engem spaassegen Cablecar fueren, hihi! Also hun mer eis um Union Square vir 5dollar op sou eng Maschine geschwongen an hun dunn eng opreegend Achterbahnfahrt bis op Fisherman´s Wharf gemach.

Daat ass eng vun den Haapttouristenattraktiounen hei zu SanFrancisco. Daat ass direkt um Mier, eben wou freier d'Fescher mat den Booter ukomm sin, an et huet een eng immens schéin Vue op d'Golden Gate Bridge an op Alcatraz. De Weekend kanns de dech do vu Leidd net retten, mee ennert der Woch kann een sech do ganz frai beweegen ;). Um Pier39 leien lauter Seileiwen (also sou Robbendeieren ;)) an dei maan ee Kameidi an ee Gestank daat ass baal net ze gleewen, mee sie sin awer leiw!

Owes war dun Halloween Party ugesot. Dofir hun dei geckeg Amerikaner hei 2 Stroossen komplett gespaart. Am Castrodistrikt, daat ass den Schwulen-Lesben-Transgender-Veirel, hun sech dun ongefeier eng hallef Millioun spaasseg verkleedten Leidd versammelt. D'Flicken waren natierlech och do vir ze kucken dat alles riicht geet, dier wesst jo dat d'Amien e bessen paranoid sin wa vill Leidd op engem Koup sin. Mee bon, mir hun op alle Fall Tonnen lusch Kostümer gesin, Drag Queens, Plaakeger (jo dat ass en Kostüm hei!) , Star Trek Figuren, mee och Schneewittchen an Minnie Mouse waren deck beleiwt ;). Mir waren bessen Outsider, well mir sin jo just "glotzen" gaang, ouni Verkleedung natierlech, hihi! Um 11 wollten d'Flicken dunn d'Party ausklengen loossen well dei Leidd dei do wunnen daat anscheinend net sou witzeg fannen, an dun huet alt mol e spaassegen Rotzbouf gemengt heen geif lo mat senger Scheiss hei na e puer Leidd uscheissen. Gottseidank waren mir awer do schon doheem, well op sou Begeignungen gin mir jo wierklech guer naischt! Halloween an Amerika ass schon eppes Extraes!

San Francisco, Baby!!! - 1. Daag

Aloa dir Leidd!
De Lauri an de Sacha sin gudd zu San Francisco ukomm an kommen net méi aus dem Staunen eraus!

Eis éischt Impressiounen kann een sou zesummenfassen: ganz vill Kontraster niewteneen, souwuehl waat Leidd ugeet, wéi och Kultur an Architektur. D'Wieder as gudd. Et kann een baal alles zu Fouss maachen, och wann een dofir schon mol deen een oder aaneren klengen (oder och mol gréisseren) Bierg erklammen muss.

Ah jo, an et as einfach nemmen megatoll!!! :)

Mir wunnen an engem kitschegen, lavendelfuerwenem Gebai op der Post Street, net wäit vum Union Square (also zimmlech zentral).

Méindes den 30. Oktober hun mer eis dunn mol eisen spassegen College ugekuckt. (well mir sin jo schliesslech net nemmen hei fir Vakanz ze maachen-wann och haaptsächlech, mee egal)
Den Eingangstest war lo net wiiierklech usprochsvoll an dunn hun se eis mol an déi Klass mat dem héchsten Niveau gesaat.
Eis Proffen hun all definitiv en Eck eweg, mee et sin schon e puer witzeg Unikater do dabäi :)
Also am groussen ganzen kann de Sacha hei, och psychologesch gesin, na vill léieren. ;)

Mir hun den éischten Daag eng Reih nei Bekanntschaften geknäppt, allerdings nemmen däitschsprocheg Leidd, waat natirlech toll as, wann een heihin komm as fir säin englesch e bessen opzepoléieren ;)
D'Patricia as eng Woch hei an mecht dono en Internship vun 8 Méint zu Santa Rosa, D'Christine an den Tom sin aus Däitschland an bleiwen genau sou lang hei wéi mir an den Markus as vun Berlin heihinkomm an bleiwt 4 Wochen hei.

No dem 1. Schouldaag sin mer dunn na e bessen ronderemgelaaf, iwwert den Union Square an eng Kéier kuerz an Chinatown eran. Dunn hun mer eis dem Jetlag ergin an sin zimmlech fréi heemgaang wou mer dunn zefridden ageschlof sin :)